E famoso Salsero international Marc Anthony a anuncia su fecha nan pa concierto pa aña 2021. Despues cu e artista no a presenta den publico pa mas cu un aña, e momento a yega pa bolbe presenta dilanti un publico grandi. Pa e artista mes ta un emocion grandi di bolbe duna concierto.

Na e momento nan aki e salsero ta den studio di grabacion pa presenta varios hit nobo.

E sabor amargo cu su live streaming concert a laga atras a ser lubida pa su fanatico nan despues di a mira tanto fecha di concierto di nan artista preferi. Ainda ta fresco den nos memoria con  mundo completo a sinta warda riba su concierto virtual cu nunca a bai door debi na un fayo technico.

E fecha mas spera ta e concierto di miami cu lo ta 19 November 2021. Orlando tambe ta un destinacion hopi gusta pa su fanatico nan aki na Aruba, esaki lo ta dia 6 November 2021.

E prome fecha pa Estosigue tour lo ta 27 di Augustus na San Antonio,Texas. Riba www.ticketmaster.com por cuminsa cumpra entrada caba pa un di e fecha nan anuncia.