Impactante cambio di e modelo Anastasia Pokreshchuk di Ucrania, di 32 anja di edad. E modelo a inverti un fortuna den su cirugia nan, pa cambio fisonomia di su cara, y pa gana mas popularidad riba social media. 

 

Ana no semper tawata luci asina, na su 26 anja di edad, e tawata luci cu su weso di cara normal, aunke tin biaha e resultado di cirugia no ta locual bo ta desea, den e caso di e modelo Ucrariana ta super contento y orguyoso di su resultado. E modelo ta adverti cu ainda e falta mas cambio na su cara, e mes ta asegura cu e la perde e conteo di e cantidad di operacion cu e la hasi. 

Antes Ana tawata tin un cara fini y bunita, su lip nan tawata fini, su cabey tawata largo y un bruin natural. E modelo no tawata uza casi nada di makeup, y tawata bisti moderadamente, awor e parse ful otro hende y kier competi pa e jega na e record mundial.

 

Hopi actriz y actor di Hollywood ta disidi di hasi cambio fisico y cambio na nan cara door di e presion pa luci mas jong y bunita pero no semper tipo di cirugia na cara ta sali bon, y den hopi caso e ta laga mas tristeza cu alegria.