E dia a yega pa Aruba bay disfruta di e concierto Amor y Despecho.

Despues di luna di promotion e gran dia pa e concierto Amor y despecho a yega.

For di dia cu e organisadornan High Performance a anuncia nan concepto di combina musica di Telenovela cu musica popular (despecho) e publico a mustra un interes grandi. E prome seccion di mesa ya prome cu a sold out pa fanaticonan di tanto Guillermo Davila y Jessi Uribe. Nos no por laga afo cu e gran fanaticada di e banda lokal ‘N Fuzion tambe a reacciona mesora y cumpra nan ticket pa wak un presentacion diferente di e banda cu repeortio di temanan di telenovela.

For di comienso di siman e team di High Performance a cuminsa prepara Aruba Entertainment Center na Dakota den un ambiente hopi special y cu equiponan moderno pa tur hende disfruta di un show unico.

Guillermo Davila ta e prome artista international cu lo subi stage awenochi pa presenta tur su temanan di antes y awo.

Na su yegada na Aruba e mes a bisa cu e tin mas di 30 cantica prepara cu e por scohe di dje pa deleita tur su faniticonan aki na Aruba. Pa e artista cu ta residicencia na Miami, pero cu a nace na Venezuela ta un orguyo di por presenta na Aruba riba dia di Independcia di su pais natal. Aruna ta cla pa bay canta tur su temanan manera Barco a la deriva, Solo peinso en ti y sin lubida Tesoro mio.

Jessi Uribe ta e “high light” di e anochi.

Como e cantante mas popular den e genero di despecho actualmente ta un honor pa tin e riba e escenario awenochi. E artista mes ta yega awe durante dia cu su banda completo. E tin un repertio amplio pa presenta awenochi. Su casa Paola Jara cu tambe ta artista lo tey awenochi y cu hopi chens pa e subi presenta algun cancion cu ne.

Bin trempan awenochi Aruba Entertianment Center pa bo gosa di un concierto cu lo duna bo un experecia unico di Amor y Despecho.