Pushi narcotraficante captura: Mira locual nan a haya pega na su curpa!
Un historia cu ta parce cu el a sali for di un pelicula di comedia.

 

criminal: un pushi a ser captura mientras e tabata transporta droga den un prizon na Costa Rica.
Segun e Ministerio di Hustisia y Pas di Costa Rica, e pushi cu a haya e nomber di "Narco Michi", tabata tin dos paki cu marihuana y cocaina pega riba su curpa. E descubrimento a tuma luga durante un rutina di vigilancia den Centro di Detencion di San Rafael.
Funcionario di e institucion di prizon a actua rapidamente pa confisca e droga y asina a preveni cu e substancia ilegal yega na man di preso. E pushi mes a wordo entrega na Servicio Nacional di Salud di Animal (SENASA) pa un evaluacion medico, pa sigura su bienestar despues di e experiencia poco comun.
E caso aki a causa hopi reaccion riba red social, caminda hopi hende a expresa tanto preocupacion como humor tocante e situacion.