Rawy Figaroa (Entrepreneur) ta un hoben di 27 aña di edad bibando na Hulanda (Amsterdam). Rawy tin su propio producto/brand cual yama Nasentia. Nasentia ta un neusinhaler traha di essential oils. Nan tin 4 sorto di neusinhaler cual ta: Energy, Relax, Relive y Appetite control. Rawy y su primo nan Jeremy y Randell Simon nan a cuminsa cu Nasentia from scratch na Juni 2020 y ja caba nan tin mas cu 30.000 cliente rond di mundod. Nan a cuminsa cu nan prome online webshop na Hulanda (www.nasentia.nl). E la bay asina bon y cu hopi exito cu nan mester a habri un na Alemania. (www.nasentia.de). y despues ful Europa (www.nasentia.eu). E strategia cu nan a usa pa yega 30.000 cliente den menos cu 2 aña tabata Facebook, Instagram paid ads y tambe TikTok creators. Casi tur nan models, photographers, copywriters y designers ta Arubiano nan cu ta bibando actualmente na Hulanda. Rawy a bisa cu e ta kies pa traha cu nos mesun hende nan pasobra nos Arubiano nan ta hopi creative y nos mester uni pa nos yega leu.

 

Aparti di tin su mesun brand, Rawy ta un paid media manager na ThisThat (www.thisthatapp.com). E ta un surfey software pa influencer agency's based na Inglaterra. Den e compania aki Rawy ta zorg pa tur e paid campaigns nan riba Instagram & TikTok pa marca nan manera Meta, Uber, Phillips, Lidl etc.

 

DJ ta un hobby cu Rawy tin pa hopi tempo caba. Leu a leu Rawy ta toca na clubs nan na Aruba y hulanda. Rawy a menciona cu ora e tin su business nan hopi mas automated e lo focus duru bek riba DJ. Tur cos a cuminsa cu Rawy su carera di DJ ora cu e tabata tin 13 aña di edad, e tabata toca na fiesta nan di famia, bustrip etc. 

 

Rawy no a studia locual e ta haci awe, e la volg diferente curso nan. Rawy ta haña cu e mas importante ta pa keda informa y educa bo mes, pero esaki no mester ta na un scol so. Locual Rawy a haci ta cumpra curso nan Online di e skills nan cu e mester a sa pa build y run business. Rawy kier logra ta financial freedom y mas passive income cu ta possible. E goal ta pa sigui crece Nasentia Worldwide y no pa online so. Nan kier bay den retails tambe y traha cu Etos, Walmart y Kruidvat.

 

Rawy su conseho pa e young professionals cu ta bayendo Hulanda y kier habri nan mesun negoshi ta pa invest tempo den bo mes, no worry si bo fail e prome biaha nan. Pasobra e la bisa cu e mes a cuminsa 7 negoshi prome cu 1 a bira profitable pero e la siña di tur e fout nan. Bo por haci/ bira tur locual cu bo kier si abo kere den bo mes y tuma accion.