Videonan impactante di e asesinato di un candidata durante transmision Live.

Den un suceso tragico cu a conmove Mexico, Yesenia Lara Gutiérrez, candidata pa alcalde pa partido Morena, a ser mata diadomingo anochi mientras cu e tabata campañando den e pueblo Texistepec, na estado di Veracruz. Durante un transmision live riba Facebook, por mira e candidata saludando algun ciudadano prome cu por scucha loke cu ta percibi mas o menos na 20 tironan, caminda cu e situacion a bira un escenario di caos.

​

Presidenta di Mexico, Claudia Sheinbaum, a confirma e atake y a bisa cu nan ta investigando hunto cu autoridadnan di Veracruz. Gobernadora di e estado, Rocío Nahle, a nombra e asesinato como un acto di “cobardia” y a promete di haya esun nan responsabel. Yesenia Lara tabata tin 49 aña y tabata agente municipal. E asesinato a sosode 3 siman prome cu eleccionnan programa pa dia prome di juni 2025.

E incidente ta parti di un ola di violencia politico-criminal durante e periodo electoral, caminda otro candidatonan tambe tabata victima di atake den diferente estado. 
*Advertensia: E siguiente videonan ta contene imagennan sensibel!