Dama ta haci bichectomia y sinti cu hasta su cachete ta cay.

 

E mundo estetico pa tanto hende muher como hende homber ta sumamente amplio y ta brinda un sin fin di opcion, pa ta mas bunita y atractivo fisicamente. Pero tambe nos sa, cu no tur experiencia estetico, sea tratamento of cirugia, tin e mihor resultadonan desea. 

Recientemente un dama a conta su experiencia, despues di haci un bichectomia, unda el a sinti literalmente cu su cachete ta cay for di su cara. 

E dama a conta, cu despues cu el a caba cu su operacion, e mester a bay e clinica bek. Esaki tabata pa nan controla su dolor, paso e tabata sinti cu su cara lo kibra fo’i otro. 

Ora el a bay pa e control na clinica, dokter a bis’e, cu e no tabata tin niun infeccion. E dama tabata frustra y cu panico, paso e no tabata kier keda cu su cara desforma. 

Su cara tabata tin un bala di sanger y esey no tabata algo normal. Pero dokter ta keda para ariba y bis’e, cu e mester haci su tratamentonan prome, pa e por recupera completamente di e bichectomia. Hopi lo puntra kico ta bichectomia y esey ta un cirugia ambulatorio, cu normalmente no ta rekeri hospitalisacion ni tampoco anestesia general. E meta di e cirugia aki ta, pa elimina e famoso ‘bolas de bichat’, cu ta ubica riba e wangnan.