“De Pil” Pa Homber ta birando un realidad. Bo ta cla pa uz’e?

E futuro di control di embaraso pa hende homber por a cambia pa semper. Un metodo nobo, sin hormon, cu yama YCT-529, a pasa su prome prueba di seguridad den hende homber.
Den Fase I, 16 voluntario saludabel a tuma e tratamento… sin niun efecto secundario serio y sin ningun cambio den testosterona.
Na diferencia di metodo bieu, YCT-529 ta traha riba un destinacion specifico den e testiculo (retinoic acid receptor–α), evitando tur e problema hormonal manera bahada di deseo sexual, cambio di animo of desbalansa hormonal.
Studio riba bestia a mustra:
•    Infertilidad 100% reversibel
•    Fertilidad ta bolbe normal despues di para e tratamento
•    Sin daño na higra, riñon of curason
Den hende, e resultadonan ta mes positivo: ningun alteracion duradero den hormon, funcion di organonan, animo of deseo sexual.
Awor e metodo ta drenta fase II y III pa comproba su efectividad real, seguridad den largo plaso y tolerancia den otro grupo di hende. Si e logra, nos por tin un cambio historico den igualdad di responsabilidad di control di embaraso.
E por ta e fin di condom y vasectomia?