Oficial di prizon a purba di keda na estado cu un prizonero acusa di violacion.

​

Un oficial di prizon di 29 aña na Dorset a ser implica den un relacion problematico cu un prizonero condena pa delitonan grave, incluyendo violacion y pedofilia. E oficial femenino, cu ta mama di tres yiu, aparentemente a desaroya sintimento romantico pa Brad Trengrove, un homber cu ta cumpliendo un sentencia pa delitonan sexual, caminda den secreto nan a tene relacion sexual mas cu 40 biaha den prizon durante orario di trabou di e oficial femenino.

​

Segun informenan, e oficial a namora di Trengrove y a yega di realisa varios accionnan ilegal pa mantene su mes den contacto cu ne. Incluyendo manda mensahe romantico, tene comunicacion clandestino via di un telefon celular cu e mes a laga infiltra den prizon—algo cu ta strictamente prohibi— y bishita e prizonero den varios ocasion cu identidad falso. 

​

Na prome instante, e oficial a sali na estado di Trengrove pero a perde esaki despues di 8 siman. Pa logra esaki un bes mas, e oficial a purba di sali na estado di Trengrove mediante un metodo no convencional: e la introduci sperma den un tubo di hangua y insemina su mes.

E relacion a yega na un punto critico ora cu nan a ser gara despues di un bishita cu e oficial a hasi na Tengrove usando un nomber falso, loke a conduci na su detencion pa violacion grave di e regulacion interno y pa pone den riesgo e seguridad di e personal y di otro prizoneronan. Den su declaracion, e oficial a admiti cu e tabata hopi namora di Trengrove y cu e la purba di mantene un relacion den secreto pa evita su separacion y perdida di su trabou profesional.

E Oficial tabata practica e deporte di boxeo, y durante esey, e la sufri un caida cu a lage paralitico. Pa motibo aki, den e proceso di su caso, hues a tene compasion di dje y e la ser condena na un pena suspendi, pero debi na e gravedad di su accionnan y e violacion di e normanan dje sistema penitenciario, e autoridadnan a inicia un revision largo dje protocolnan di seguridad y vigilancia den e prizon. E historia aki a habri un debate riba e posibilidadnan vulnerabel den e medidanan di seguridad y e impacto emocional den e trahadonan di prizon, ora nan enfrenta nan mes cu relacionnan cu prizoneronan.

​

Di su banda, Trengrove a ser captura y hiba bek na prizon pa cumpli cu e resto di su condena. E situacion a genera hopi pregunta den e comunidad, y expertonan den criminologia y etica penal ta ser pidi pa reforsa e controlnan y e capacitacion dje personal pa preveni cu casonan similar bolbe sosode den futuro.