Ta detene mama na Disneyland dilanti su dos yiu chikito nan.

​

'luga mas felis di mundo'; Disney, ta den polemica, despues di un video cu a bira viral caminda ta mustra e momento unda ta detene un mama den e parke na California, mientras cu su yuinan ta yora y pidi pa yudansa.

Den e video por mira algun agente ta hiba e señora cu su mannan na boei, mientras cu su dos yui ta sigi e mama yorando. E video ta referi na un detencion cu a tuma lugar den Disney California Adventure Park, riba diadomingo 24 di september.

E agentenan a bisa cu nan a detene e muher na entrada di e parke y a pidie pa e edad di su yuinan chikito. E mama, cu supuestamente no a contesta e pregunta, a sigui su caminda den e parke y e oficialnan a sigi’e.

Segun Departamento di Polis di Anaheim, e mama a ser deteni pa obstruccion di un oficial y pa nenga di duna identificacion.

Disney a bisa cu no ta e prome biaha cu e muher ta haci esaki. E mama a ser identifica como Jessenia Díaz, di 26 aña, residencia na Torrance.
Segun algun version, esaki tabata di cuatro biaha den dos luna cu e tabata bay e parke tematico cu su yuinan sin paga na entrada.

Disneyland ta permiti cu muchanan bou di tres aña por drenta e parke gratuitamente cu e condicion cu nan tin un adulto cu nan y cu si ta paga entrada. Esaki ta loke Díaz a haci, pero aparentemente su yuinan a pasa e edad di 3 aña.

Den e polemica, Jessenia Díaz a haci dos publicacion riba su cuenta di TikTok. E prome bo por wak e cu su yiunan riba un carrusel unda ela skirbi: “E manera mas pio di termina e luna. Afortunadamente, mi yuinan ta salvo.”

Na su di dos publicacion ela pone un video di e agentenan di seguridad cu a arreste. Y ela skirbi: “Ta fastioso cu e rednan social ta yena di gañamento y odio!''

 

​

​