Milager den desgracia: Homber ta sobrevivi crash di avion. 

​

Air India 171, boeing 787-8 Dreamliner, a baha 30 seconde despues di despega for di Ahmedabad riba ruta pa londres. E avion a crash den un bario residencial, causando gran daño. Tabata tin 242 hende riba e avion 230 pasahero y 12 miembro di tripulacion. E mayoria tabata hende di India mes pero tambe 53 britanico, 7 Portugues y 1 Canades, 241 hende a fayece, incluso hopi hende cu tabata rond di e area di e krash riba tera tambe a fayece. E unico persona cu a sobrevivi milagrosamente ta Vishwash Kumar Ramesh, di 40 aña, Britanico cu raiz di India. E tabata sinta na 11A cerca di e "wing box" (zona structural fuerte) cerca di un salida di emergencia. Vishwash a logra kita su faha y sali for di e avion prome cu e avion pega candela. Vishwash a bisa el a tende un desordo duro y el a drenta den shock tur cos a pasa den secondenan, ora e tabata purba sali for di e avion el a mira curpanan morto tur caminda.

​

Vishwash tabata biahando cu su ruman Ajay Kumar Ramesh, cu tabata sinta apenas un par di stoel patras pero lamentabelmente el a fayece, Actualmente Vishwash ta hospitalisa y traumatisa. Expertonan a bisa cu su ubicacion den avion, structura cerca di dje y su reacion rapido, tabata factornan cu a contribui pa su bida. El a sali cu heridanan leve y su storia ta considera milagroso. Esaki ta e prome crash mortal di un boeing 787 Dreamliner, a lanta preocupacion y investigacion grandi riba e caso.