Influencer a abstene di tur tipo di relacion y contacto intimo te ora nan casa.

Kaytlin O’Neall, un influencer, hunto cu su pareha, Drew, tin 2 aña di relacion amoroso y nunca nan a yega ni sikiera di sunchi cu otro. Kaytlin a comparti riba su ‘social media’ cu nan a dicidi di laga esaki, te ora nan yega altar pa bay den intimidad cu otro. Pues esaki ta conta pa sunchimento tambe y na momento cu el a comparti su ideologia na Drew, el a bay di acuerdo. 
Mayoria di hende no ta kere locual Kaytlin a conta, pero e dama a splica cu nan a logra di tin auto control y door di evita cualkier tipo di contacto fisico.
Definitivamente cada persona tin derecho di establece nan propio limite-, norma- y metanan den un relacion.