Alcalde di un pueblo na zuid di Mexico ta casa cu un caiman hembra. 

E alcalde Victor Hugo Sosa di e pueblo San Pedro Huamelula na Oaxaca, Mexico a casa cu un caiman embra pa cumpli cu un tradicion cu ta wordo celebra anualmente cu e proposito di pidi prosperidad y abundancia pa e comunidad. 

E funcionario a asegura cu esaki ta un aña mas unda nan ta cumpli cu sigui conserva locual cu nan antepasado nan a hereda.

Victor Hugo a expresa su afecto pa su pareha reptiel na e comundidad indigena.
E caiman su nomber ta Alicia Adriana y e carga e nomber  “prinses” den e celebracion aki. 

Durante di e ritual aki Victor a priminti di acepta responsabilidad pasobra e cu Alicia ta stima otro y esey ta locual cu ta importante.
“Bo no por tin matrimonio sin amor.” Asina Victor a expresa durante su ceremonia matrimonial cu Alicia. 

Despues di e ritual aki Victor a carga Alicia cu su boca mara y asina a cana rond den e pueblo  unda tur e habitante nan tawata bailando y celebrando nan matrimonio.