Muestra di amor infinito pa un casa defunto.

 

Un storia di amor berdadero semper tin su impacto y mas ainda ora cu e storia ta conta pa un miembro di famia, den e caso aki; e nieta. Esey ta netamente e caso di e storia di amor aki, cu a bay viral riba social media TikTok. E storia di amor aki cu a impacta mundo e siman aki tabata uno, unda e wela ta hiba flor tur dia pa su casa, cu a fayece 18 aña pasa! Via di e nieta su pagina “@Luu_sia” riba TikTok, e nieta a dicidi pa comparti e bunita storia aki. E wela a bisa, cu e ta laga flor pa su casa na e mesun lugar pa 18 aña largo y e no ta faya ni un dia.