Krish Mahtani, ta un persona keto, pero alabes social. Krish ta compaña pa basta tempo caba cu Queen Anne Bergen y hunto nan tin un prins, Kae. E ta bon conoci pa su diferente negoshinan y ta hopi pasiona cu e mundo di farandula desde cu e tabata chikito. 

El a studia Business Management na Lynn University (Boca Raton, Florida), unda el a logra su Bachelors. Krishi no a para keto y a sigui studia, unda el logra obtene su diploma den Audio Engineering na SAE (Miami, Florida) y na december 2021 el a logra obtene su Master of Science den Entertainment Business na Full Sail University. 
​
Krish su prome negoshi tabata un radio emisora(Cool FM), cual el a cuminsa ora e tabatin apenas18 aña. Despues el a dicidi pa inicia cu Elite Productions & Entertainment, cu ta su negoshi cu e ta maneha pa mas di 14 aña caba. E ta maneha e artista- y bandanan cu ta cay bou di Elite Empire / Arvani Music, como tambe e negoshinan di su famia. Actualmente Krish ta bezig cu algun proyecto nobo, manera; X radio y The Venue. 
​

X 102.7 FM ta un proyecto nobo y moderno, cu pronto lo bay lansa riba mercado. E focus lo ta riba contenido yamativo y innovativo y sigur cu bon zonido y produccion. E lo ta parti di un plataforma mas grandi, cu no lo ta na radio so. Esaki ta un proyecto interesante, unda e lo ta guiando. Definitivamente bida di un promotor tabata desafiante, specialmente durante e periodo di Covid-19.

Conseho
“Sigui bo ‘gut feeling’, si bo kier hacie, bo lo logr’e! Papia cu esunnan cu ta den e mundo caba, pa bo por hayaconseho real y siña of sikiera haya un “heads up” tocante e realidad. Tin hopi hende dispuesto pa yuda, pero tiki cu ta durf di puntra pa e ayudo of conseho”.