Bisiña a yama polis pa un mucha cu ta busca trabou di hardinero pero polis a yuda e mucha cu un gran sopresa. 

​

Na un bario den Hapeville, Georgia, Merca, un mucha homber di 16 aña, Keonte Evans, tabata bay di porta pa porta ofreciendo trabou di hardineria pa yuda su mama spaar pa cumpra un Playstation 5. Ora cu varios bisiña a ripara esaki nan no a gusta e cuenta y a yama polis p'e mucha homber pidiendo p'e stop di haci esaki den e bario. 

​

Eric Colleran, t'e polis cu a yega na e sitio y a papia cu e mucha homber cu tabata respetuoso y determina. Keonte a conta e polis cu e tabata trahando pa yuda su mama y su 5 ruman chikito pa cumpra paña pa scol y despues di esey spaar pa cumpra un PS5. E polis mes ta un "gamer" y e storia a touch su curason. Un par di dia despues, Eric y algun colega a yega cu un PS5 completamente nobo pa Keonte. Keonte tabata yora di felicidad y a gradici e polis masha hopi mes. Eric a bise "spera nos por hunga hunto online pronto". Keonte tabata trahando duro y den manera honesto y enbes di sostene, algun hende a trata e situacion aki como un problema.