Actriz di porno a fractura su lomba den un cancha di foam.

​

E strea di video porno y steamer di Twitch, Adriana Chechik, a haya un accidente grave, mientras e tabata participando den e evento di TwichCon, cu a tuma lugar di 7 pa 9 di october, na San Diego, Merca. E accidente no a pasa manera bo lo imagina, ya cu e actriz a bula den e cancha yena cu foam, cu supuestamente no tabata hundo suficiente pa e tipo di actividad aki. E bula tabata basta impresionante, manera cu por wak den e live stream, pero ora cu el a cay, tabata trata di un caida hopi fuerte. El a purba di gatea bek pa lanta, paso e no por a lanta para y aki mesora un persona a bin brinda asistencia, pa wak kico por a pasa. A resulta cu di e caida fuerte aki, e actriz a kibra su lomba den dos. Algun persona a indica tambe, cu no ta prome biaha cu e accidente grave aki ta pasa, ya cu hopi hende tambe a yeg’i sali lastima for di e ‘pitch’ di spons aki.