E cadena di restaurant Cracker Barrel mester paga William Cronnon 9.4 Miyon di dollar despues cu un waiter a sirbie “bleacher” producto di limpiesa den luga di awa. 

William mester a wordo transporta cu urgencia pa hospital despues di a bebe e producto di limpiesa Eco-San keriendo ta awa. Eco-San ta un producto fuerte di hasi cushina cu baño limpi manera un bleacher. 

Corte a dicta sentecia ayera cu e cadena di restaurant mester paga William e suma di poco mas cu 9 miyon Dollar na daño relaciona cu e descuido di e waiter. William a keda cu problema pa resto di su bida cu ta strobe di traha. Tur esaki a keda comproba dilanti hues.