Un salida entre cinco amigo a termina den un asesinato horibel.

​

Un grupo di cinco hoben entre 19 y 22 aña a sali hunto siman pasa diabierna pa comparti un rato cu otro.
Dante, Diego, Jaime, Roberto y Uriel ta amigonan di infancia biba na Jalisco, Mexico.
Nan a asisti e feria di Lagos de Moreno pero despues di algun ora nan a desaparece.
A mira a hobennan pa ultimo biaha nan lugar favorito unda nan tawata gusta bay pasa tempo y haci deporte desde chikito, esaki tawata menos di 5 km leu di e feria.
A cuminsa un buskeda pa e hobennan y familiar nan tawata convenci cu e hoben nan aki lo tawata victima di violencia y actonan criminal cu ta asotando e cuidad di Jalisco.

Un potret a cuminsa circula riba internet mustrando e hoben nan mara y golpia na un lugar desconoci.
Despues a sali un grabacion riba telefon, unda ta mustra un di e hoben nan obliga di eherce violencia cruel contra e otro nan y incluso fuera di camara nan ta dune un piedra pa e dal un di su amigo nan fuertemente. 

Autoridadnan a haya auto di un di e victimanan completamente kima y cu restonan humano aden.
Nan a informa cu a reconoce e lugar di e suceso cu posibelmente ta coresponde cu e grabacion. 
Actualmente ta tratando di identifica e restonan humano cu a ser encontra cu hopi dificultad pa motibo di e estado critico y carbonisa di e restonan aki.
No por prueba ainda si ta trata di e cinco hobennan pero mirando e circunstancianan tur cos ta indica den e direccion aki. 
E caso aki ta continua bou di investigacion.