Cabrito Simba conkistando mundo cu su oreanan extra largo.

​

Simba ta un cabrito chikito di Pakistan, cu ta conkistando e plataformanan social, danki na su orea cu ta midi 54 centimeter. Mohamad Hasan Narejo, doño di e cabrito aki, ta conta con hopi porta a habri p’e, debi na e famoso oreanan di su cabrito. Un di portanan grandi cu a habri ta; “Guinness World Records”, unda nan a registra Simba. Mohamad ta conta cu pa Simba por cana bon, e mester mara su oreanan patras, pa asina e evita di trapa riba nan. Mohamad a bisa, cu e ta sinti cu tin hopi “mal de ojo” riba dje y Simba y esaki ta door el a bira “famoso”. P’esey mes nan a crea un capa preto, pa proteha Simba di e “mal de ojo”.