Dama ta convenci cu nan a kit’e for di trabou djis pa su color di cabey.

​

Un hende muher identifica riba e rednan social (@alenovskii), a denuncia cu nan a kit’e for di trabou, despues cu el a nenga pa cambia su color di cabey. Ta trata di e restaurant; Cuerno Calzada na San Pedro García na Nuevo León, Mexico. Te cu e fecha di despedida, esta 30 di augustus 2022, el a sigura cu nunca e tabata tin problema cu su hefenan. E unico problema tabata, cu su cabey tabata cora y nan a bis’a, p’e cambia e color di cabey pa preto, paso “e no tabata representa e imagen di e restaurant”. Mas cu claro e dama no a bay di acuerdo y definitivimente e no tabata kier cambia e color di cabey. E dama hoben a bisa cu e ta sinti cu esaki ta un acto di discriminacion y no ta sinti cu nan ta respeta esey.