Jeon ta preparando pa lansa su album nobo Santa Cruz. For di e album aki ayera den Ivo 4 life tawata tin estreno di e video clip di e cancion "Pan cu webo". E biaha aki Jeon a traha cu Steve Andreas y Dongo for di Curacao. Santa Cruz ta e bario cu Jeon a lanta for di chikito, bario caminda e tin hopi aprecio pe, y pronto e ta dedica un album completo na e bario cu a wak e crece y lanta bira un artista grandi. Pan cu webo ta un cancion dedica na e canta autor Vicente Kelly cu a presenta e cantica aki hopi aña atras como protesta cu pan y webo tawata subi drasticamente na Aruba. Jeon den un estilo moderno hunto cu Steve Andreas y Dongo a trece "Pan cu webo" bek riba plataforma musical. For di momento cu e video clip a wordo lansa den Ivo 4 life na Canal 90 y Telearuba e tema a wordo acepta den un forma grandi. no tin duda cu "Pan cu webo" lo bira un hit na Papiamento den Aña 2021. 

Wak video