Corte na Madagascar ta sentencia homber na castracion pa abuso sexual di un mucha!

​

Un tribunal na Madagascar a sentencia un homber na un cirugia di castracion despues di a viola un mucha di seis aña. E caso a tuma luga na Imerintsiatosika, 30 kilometer for di capital Antananarivo. Segun e fiscal general Didier Razafindralambo, e homber a wordo condena tambe na bida den prizon cu trabou duro.
E castigo ta basa riba un lei nobo introduci na 2024, cu ta aplica pa caso di violacion di mucha bou di dies aña. Gobierno a introduci e lei pa combati e cantidad grandi di casonan semehante den e pais.
Razafindralambo a bisa cu e decision ta un señal fuerte pa proteha mucha y pa preveni mas abuso.
Na otro pais manera Tchékia y Alemania, castracion ta pasa cu consenshi di e acusado. Den Louisiana, Merca, e proceso a bira obligatorio pa cierto crimennan sexual contra mucha. Varios pais, incluyendo Polonia y Korea di Sur, ta uza castracion kimiko, cu ta reversibel.
Organisacion di derechonan humano ta critica e practica, y ta pidi mas enfoke riba proteccion di e victima y prevencion di abuso sexual.