Ta sospecha di ex pareha y mihor amiga asesinato di Tiktoker Valeria Marquez durante transmision live.

​

Mundo digital y entretenimento ta di luto despues di e asesinato brutal di Valeria Márquez, un tiktoker y modelo di 23 aña, cu a ser tira mata mientras e tabata haci un transmision live for di su mesun salon di estetica.

E crimen a tuma luga rond di 6:30 di atardi y rapidamente a causa shock riba medionan social. siman pasa, famia, amigonan y siguidonan a reuni na e funeraria pa duna nan despedida. Mientrastanto, e estetica caminda a tuma luga e atake a keda cera pa autoridadnan haci mas investigacion, caminda Valeria su pertenencianan personal ainda ta presente.

Polis a colecta testimonio importante cu a ser integra den e dossier di investigacion pa homicidio. Tambe nan a solicita grabacion di camara di siguridad rond di e zona pa haya mas claridad.
Loke ta conoci ta un posibel relacion anterior entre Valeria y un lider di Cartel Jalisco Nueva Generación. Rumornan a indica cu tin sospecha riba su ex pareha y su miho amiga, pero fiscal a declara cu no tin prueba formal contra ningun persona te awor.
Presidente di Mexico, Claudia Sheinbaum, a duna su comentario, sigurando cu tin un investigacion den proceso. Pero te awor no tin hende deteni.

E caso fuerte aki ta pone enfoke riba violencia cu ta afectando hende muhe y figuranan publico rond mundo.