Listen Live !

Watch Live !

By: Zaynah Yanez

2 dec 2024

Politico di siman Prome Minister Evelyn Wever Croes: Aruba tin un economia fuerte, turismo floreciente, desempleo mas abou cu nunca.

Awe nos team a entrevista e di 8 politico cu ta Prome Minister di Aruba Evelyn Wever Croes riba lista di MEP

Nomber completo y fecha di nacemento?
Evelyna Christina WEVER-CROES
Fecha di nacemento: 5 di december 1966

Conta nos un tiki di minister su infancia, cua scol minister a bay, kico ta minister su hobby y kico tawata e prome funcion cu minister kier a eherce tempo minister tawata chikito?
Mi a lanta den un famia di tres yui. Mi a biba na Simon Antonio y despues Sero Pita, te ora mi a casa y nos a traha casna Seroe Blanco. Mi a bishita Imelda Kleuterschool, Colegio Ora Ubao, Rosa College y Colegio Arubano. Mi a caba VWO cu 17 aña, y mi kier a bira dokter.

Na unda minister a studia y con e experencia di ta studiante tawata pa bo y cua ta e diploma nan cu bo a logra?
Mi a bai Costa Rica pa studia medicina, pero door di hopiheimwee, mi a bolbe Aruba, y mi a bai studia ley naUniversiteit van de Nederlandse Antillen. Despues mi a specialisa den ‘fiscaalrecht’ y mi a gradua na RijksUniversiteitLeiden na Hulanda.

Pakico Minister a drenta politica?

 Mi a lanta den un famia di politico y hopi biaha a puntra mi simi kier tambe sigui e pasonan di e politiconan den famia y semper mi contesta tawata no, aunke cu semper tawata biba e deseo den mi curason pa yuda mi pais den un forma mas directo. Pero a bira dificil pa sigui bisa no y mi a realisa cu e manera mas efectivo pa ataca desafionan cu Aruba tawatapasa aden y pa yuda trece cambio positivo, tawata pa drentaden e mundo di servicio publico. Mi determinacion y meta como politico, ta pa transforma mi pasion pa solucionaproblema y mi compromiso cu husticia social, den accion nabienestar di nos pueblo. E rol di un politico ta duna mi e oportunidad pa haci impacto positivo y mehora calidad di bidapa tur Arubiano.  Kico a hunga un rol cu Minister ta e politico cu mas votona Aruba? Como e politico na Aruba cu mas voto den e eleccion na aña2021, mi ta sinti gran honor y humildad pa e confiansa cu pueblo di Aruba a deposita den mi. Esaki, sigur mi no taconsidera un victoria personal, pero e ta un refleho di gradicimento di pueblo di Aruba pa e forma con GabineteWever-Croes a maneha e pandemia. E sosten aki di pueblo, ta un responsabilidad cu mi ta tuma na serio. E ta mi deber, cu sosten aki di pueblo, pa sigui traha y lidera cu integridad, vision y determinacion pa un Aruba para fuerte riba pia.

Kico ta e diferencia entre e MEP di antes y esun cu Minister ta lidera? 

E MEP di antes y e MEP cu mi ta lidera ta comparti e mesun norma, balor, ideologia y compromisonan cu pueblo di Aruba. Nos partido semper a kere den construi un Aruba prospero, inclusivo y husto. Sinembargo, bou di mi liderazgo, nos aenfrenta cambionan grandi mientras mundo henter ta evoluciona. Den pasado, Partido MEP a enfoca hopi ribadesaroyonan fundamental, incluyendo crecemento economicoy infrastructura. E MEP di awe, mientras sigur nos ta priorisae areanan aki, nos a drenta un era diferente, di modernisacion, specialmente den tecnologia, innovacion y sostenibilidad cu un enfoke fuerte pa sigura cu ningun hende keda tras y a pone mas enfasis riba inclusion social. E MEP cu awe mi ta lidera, ta un partido cu ta scucha pueblo, ta traha duro y ta determinapa crea un miho Aruba pa e generacionnan di futuro, mientrasnos ta keda fiel y firme na nos balornan di integridad, union y progreso.

 Kico minister ta pensa di tur e politiconan cu ta bou investigacion? Ningun investigacion ta algo “agradable”, sea si ta politico di bo partido of no. E ta mustra un debilidad den nos comunidad, cu lamentablemente ainda ta presente. Locual cu ami ta hayaimportante ta cu mester preveni casonan di kiebro di integridad, y pesey nos gobierno a inverti den un sistema di prevencion, entre otro Bureau Integriteit Aruba y leynan mas pisa di financiamento di partidonan politico. Por ehempel: 10 anja pasa un donacion politico di 50 mil dollar no a trigger ningun investigacion, awor un donacion politico di mil florin por trigger full un investigacion. Locual tambe ta hopiimportante na mi parecer ta con bo ta reacciona den un casoasina. Nos partido no ta basa riba corupcion, nos no ta scondee casonan di corupcion bou di tapijt, pero basa ribapalabracionnan haci adelanta, den nos partido tin consequencia pa kiebro di integridad. Ta importante pa noscorda cu un investigacion no ta un acusacion di culpabilidad. E ta un proceso simpel pa garantisa cu husticia ta keda sirbi. 

Cua ta minister su logronan di mas grandi despues di 2 periodo di gobernacion?
Despues di dos periodo di gobernacion, e logro di mas grandidi Gabinete Wever-Croes ta e stabilisacion di nos economia y e fundeshi financiero solido cu a ser poni pa crecementosostenibel. Awe Aruba tin un economia fuerte, un turismo floreciente, desempleo mas abou cu nunca, y inflacionbahando, y ta mas abou cu den region. Esakinan a ser logra cu vision, determinacion y trabou duro di un manehoresponsabel. Na inicio di mi gobernacion na 2017, nos aencontra retonan hopi grandi incluyendo e impacto di crisis financiero causa pa e gobierno prome cu nos y despues e pandemia. Nos a tuma accionnan decisivo pa proteha nospueblo y nos economia, cu resultado positivo. Pero e logroberdadero, ta pa mira un Aruba resiliente, un comunidadfuerte y e oportunidadnan cu nos a crea pa futurogeneracionnan. Esaki ta loke ta pusha mi pa sigui traha pa Aruba. Hunto cu sosten di pueblo, nos a construi un Arubamas sigur y prospero y ta yena mi cu orguyo pa ta parti di e proceso aki. Y cu bo sosten, mi lo sigui cu mesun fe y determinacion pa sigui cu e trabou cu nos a cuminsa.  

Cua ta e mayor preocupacion den pueblo aworaki? Con minister ta bay resolve esaki?  

E preocupacion mas grandi di nos pueblo ta e costo di bida, especialmente cu e inflacion cu ta afecta productonan basico, cuido medico y vivienda. Y esaki ta un realidad cu nosgobierno no a ignora. Gabinete Wever-Croes, despues di a hereda un situacion financiero caotico y di e impactofinanciero cu e pandemia a ocaciona, a enfoca riba crea un presupuesto cu surplus. Un espacio financiero cu ta permitinos duna bek na esnan cu mas mester responsabelmente. A traha pa reduci e prijs di productonan esencial y amplia y lo sigui amplia e canasta basico cu mas producto saludable, ribacual lo eherce controlnan di prijs tur luna den tur supermercado. Ademas, nos ta finalisando negociacion cu Colombia pa importa carni for di Colombia, cu lo baha e prijsnan aun mas. Y nos lo inverti den forma di transporte di carga entre Colombia y Aruba pa comerciantenan por importaproductonan mas liher y mas barata.
Aparte di esaki nos a traha pa mehora e forsa di compra di nosciudadanonan. Apesar di e retonan financiero, nos a aumentapensioen di biehes 5 biaha caba, pa un total di mas di 400 florin, y nos lo sigui aumenta e pension na forma responsabel. Adicionalmente, a traha vivienda, y gobierno lo hasi prestamona FCCA na interes abou pa construccion di mas viviendasocial y vivienda “affordable”, especialmente pa noshobennan.

 Ta dificil pa haya hende hoben profesional drenta politica, kico ta e motibo segun minister? 

No tabata facil pa atrae hobennan profesional pa drenta arena politico, sinembargo nos a logra atrae varios hobenprofesional pa subi nos lista politico. E forma con nos a goberna e pais aki durante e peor parti di nos historia, y e forma con nos ta innovando, a atrae nan pa join nos, pa asinanan tambe por duna di nan parti pa hiba Aruba padilanti. Mi ta hopi orguyoso di nos lista, y mi ta kere cu nos mesterempodera nos ciudadanonan, for di un edad hopi jong, cu e pensamento cu politica ta un herment poderoso pa trececambio positivo, cu nan ideanan nobo y innovativo, cu nan energia, nan por trece mas perspectiva pa forma e futuro di nos pais. 

Tin algun partido cu MEP no lo traha cu ne si drentagobernacion? Y dicon?
 Como politico y lider di Partido MEP, mi ta kere den pone e interes di Aruba na prome luga. Partido MEP ta funda ribanorma, balor, ideologia y transparencia. Nos meta semper ta pa crea un gobierno cu ta traha pa pueblo, ta focus ribastabilidad, crecemento economico, y riba e bienestar di tur Arubiano. Nos ta habri pa traha cu partidonan cu ta comparti e metanan aki. Partido MEP tin un vision transparente y principionan halto di integridad cu ta guia nos desicionnan. Partido MEP ta un partido integro. Y no ta habri pa traha cu niun partido cu no ta integro of ta brasa corupcion. Nos ta kere den colaboracion y traha hunto, pero tambe nos ta kereden responsabilidad pa salvaguardia e integridad di Aruba, di nos partido y di un gobierno

Con minister ta haya e nivel di politica na Aruba y kico mester

cambia? 

Mi ta kere cu e nivel di politica na Aruba a evoluciona duranteañanan. Nos ta mira tanto aspectonan positivo comoaspectonan negativo den nos paisahe politico. Di un banda, nos tin un pueblo mas consciente y mas comprometi. Di otrobanda, nos ta enfrenta desafionan relaciona cu polarisacionpolitico, desinformacion, y falta di confiansa den algun liderpolitico. Loke mester cambia ta e manera cu nos ta hacipolitica. Nos mester aleha di divisionnan y enfoca riba dialogoconstructivo, colaboracion y pa pone Aruba prome. Politicanunca mester ta basa riba interes personal. Politica semper mester ta basa riba sirbi nos comunidad, atende necesidad di pueblo, y union pa resolve desafionan hunto como pais. Politica ta un herment pa cambio positivo. Hunto nos poreleva e nivel di politica na Aruba, hacie mas inclusivo, respetuoso y orienta pa trece solucion.  Con minister su relacion ta cu e oponentenan politico? Mi ta kere cu politica ta un proceso di dialogo y colaboracionpa logra progreso pa un pais. Mi relacion cu oponentenanpolitico ta basa riba respet mutuo, apesar di nos diferenciananpolitico. Mi creëncia y conviccion ta diferente cu esunnan di algun politico den oposicion, specialmente riba e tema di corupcion, trece stabilidad pa nos pueblo y maneha na un manera responsabel. Y riba e puntonan ey mi ta vocifera mi opinion. Mi no ta di acuerdo cu un persona sospechoso porkeda den Parlamento pasobra e ta manda e señal equiboca nanos comunidad, specialmente na nos hobennan, y mi a criticae lidernan di oposicion cu a purba sconde esey. Sinembargo, ta importante pa tur politico, den oposicion of den gobierno, comprende, cu nos mester traha pa construi un miho futuro pa Aruba. Como politico, manera semper, mi ta habri pa discutiideanan constructivo y traha hunto cu esnan cu no ta compartivision di MEP, mientras cu ta beneficia Aruba.  

Kico minister lo haci diferente den un siguiente gobernacion? 

E pregunta aki ta dificil pa contesta awor. Cada periodo di gobernacion ta un oportunidad pa siña y mehora, y depende di e circumstancianan, indudablemente lo haci algo diferente. Mi ta orguyoso di loke Gabinete Wever-Croes a logra desde cu a drenta gobernacion. Apesar di a goberna den tempo malo y den tempo hopi malo, nos gobierno, cu fe, vision y determinacion, a saca Aruba for di cada crisis y a crea e manera pa cuminsa duna bek na nos comunidad. Y awo, amita cla pa goberna den e situacion financiero stabiel aki cu Gabinete Wever-Croes a logra. Nos a logra hopi durante e dos periodonan aki, pero semper tin caminda pa mehora y haci cos diferente, semper poniendo Aruba na prome luga. 

 Pakico e eleccion aki ta asina importante pa Aruba?

Pasobra nos ta para na e crusada na unda cu pueblo mester tuma un decision kendenan ta esnan cu lo goberna nos paisden e tempo nos dilanti. Despues di 7 anja di construi un fundeshi firme, Aruba lo dicidi si lo sigui riba e caminda di stabilidad, cu e fundeshi firme aki, of si lo bai kibra e fundeshiaki, pa despues nos cuminsa full di nobo atrobe.
Aruba a enfrenta hopi reto cu a kibra nos economia. Pero nosa stabilisa nos pais y a pone Aruba riba e caminda di recuperacion y progreso. Nos a logra baha debe, nos a creasurplus, nos a crea mas trabou, nos economia ta recuperando. Pero nos no a yega unda nos mester yega ainda. Nos a logra hopi, pero ainda tin hopi mas pa haci. P’esey, e desicionnancu nos ta tuma den e eleccion aki, ta importante y lo determina nos futuro. Nos pueblo lo dicidi si nos lo continua construi un Aruba mas fuerte, mas inclusivo, mas prosperounda cu tur hende tin oportunidad pa ta exitoso. GabineteWever-Croes a demostra di ta goberna bon. Dia 6 di decemberta keda na pueblo pa vota y scoge ki tipo di liderazgo y gobierno nos kier sigui y pa cua vision nos kier sigui lucha.

Tin algun ley of punto specifico cu minister lo kier wak cambio den nos sistema electoral?
Nos sistema electoral ta funciona bon, Aruba tin un di e gradonan di participacion mas halto den mundo, cual ta demostra cu tin confiansa den e sistema. Na e momentonanaki lo mi desea di wak e votacion bira electronico. E ta un cambio grandi cu mester wordo bon prepara. Nos a cuminsatraha caba pa prepara pa e siguiente eleccion por ta electronico.

Kico Minister su gobierno a haci pa evita cu tin corupcionden e aparato gubernamental y dicon toch tanto investigacion? Minister ta pensa Hulanda tin influenciariba nos ministerio publico?
Manera menciona anteriormente, nos a pone integridad riba posicion halto di prioridad riba e agenda desde GabineteWever-Croes 1. Prome cu esey bo no por a ni papia di e palabra integridad. Nos a bin cu leynan mas estricto di integridad y screening pa ministernan, reglanan mas estrictopa financiamento di partidonan politico, nos a introduci un codigo di conducta pa ministernan.
Tambe nos a enfoca mas riba prevencion den e aparatogubernamental, y con pa crea mas resiliencia contra corupcion. Nos a crea un departamento Bureau IntegriteitAruba, cual ta un logro di mi cu mi ta hopi orguyoso di dje, cu ta dirigi riba prevencion, riba aumenta conscientisacion, ribatraining, y ta tambe e ‘meldpunt’ caminda tur hende porraporta casonan di kiebro di integridad. Y finalmente nos a inverti den fortifica e cadena hudicial, pa asina ora tin casonan di corupcion, nan por wordo atendi mas liher. Ministerio Publico ta un organo autonomo y completamenteindependiente di influencia di cualquier gobierno, di Aruba y di Hulanda.

Cua ta e reto di mas grandi cu e siguiente gobierno ta enfrenta cu ne?
Definitivamente e siguiente gobierno lo tin cu atende cu retonan financiero pa mantene Aruba riba e caminda di stabilidad, di finansas publico solido, mientras ta duna mas alivio na comunidad, y ta soluciona e problematica di scarsedad riba mercado laboral y di vivienda. Cual ta e retonan nobo cu nos lo mester enfrenta, no ta conoci, y peseynos mester tin gobernantenan cu conocemento, experiencia y curason pa nos pueblo, pa por enfrenta e retonan nobo ey, y tuma decisionnan bon balansa den bienestar di henter noscomunidad.

Con minister ta hasi comparti tempo entre politica y famia?
Desde cu mi a bira Minister, e tempo pa famia ta hopi menos, pasobra mi trabou ta tuma masha hopi di mi tempo. Na Aruba bo ta minister casi henter dia, tur dia pa siman, y casi bo no mag di tuma tempo pa bo mes. Danki Dios mi famia ta compronde, y e poco tempo cu nos ta zorg pa nos pasa hunto, ta temponan di calidad halto.

Politica tin su pro y su contra, cua esakinan ta?
Un persona ta drenta politica pasobra e kier duna sucontribucion pa hiba Aruba padilanti. Como politico, sea den Parlamento of den Gobierno, bo por duna un contribucionpositivo na bo bario y na bo pais. E motibo principal pa cual hende no ta drenta politica, ta pasobra den politica bo ta haya hopi atake personal. Den mi caso, varios miembro di mi famia a wordo ataca y insultainhustamente, hasta a gana varios caso di rectificacion dilantihues, pero cada biaha atrobe politiconan ta bolbe haci esey. E ultimo tabata un caso poco peculiar, ora lider di Futuro Gerlien Croes den un reunion den Parlamento, den prometanda, a acusa mi di un cantidad di cos. Mi a bise cu mi lo hibe Corte pa rectifica, y mesora un rato despues, den di dos tanda, el’a pidi despensa pasobra el’a ganja y no tin prueba di su acusacionnan. Esaki ta e “contra” di politica, y ta e motiboprincipal pakico tin varios hoben bon prepara, ta dicidi di no drenta den politica.

Kico ta bo mensahe pa pueblo di Aruba pa e siguiente eleccion?
Despues di e pandemia, nos tur, tur ciudadano di nos pais, a traha hopi duro pa nos stabilisa nos pais. Lo ta hopi tristo sinos bai bek pa pasado, den e rumbo di instabilidad. Pesey mi kier pidi pueblo di Aruba pa vota pa nos sigui den e rumbo di stabilidad. Pasobra ta for di e stabilidad aki ta bin prosperidad, y e felicidad pa bo y pa bo yiunan. Eligi personanan cu bo sacu por goberna bo pais, pa mantene e stabilidad y atravesa e retonan nobo cu tin nos dilanti. Esaki no ta momento pa cambio, ni pa experimenta cosnan nobo. Esaki ta momento pa stabilidad.

Pakico Aruba mester deposita nan confiansa den minister?
Pasobra mi a demostra cu mi por goberna, den bon tempo, den menos bon tempo y specialmente den hopi mal tempo, poniendo semper e interes di pueblo di Aruba na prome lugar. Mi a demostra tambe cu transparencia y integridad ta hopiimportante, y cu den dialogo nos por logra hopi mas. Cu e mesun empatia y firmesa cu mi ta demostra como mama di mi yuinan.

Con Minister tin pensa di resolve e debe cu Aruba tin cu Hulanda?
Pa cu e debe tin solucion caba: nos tin un areglo di pago cu Hulanda pa paga e debe bek den 20 aña, na un interes di 5.1%. Esaki ta un interes hopi bon caba. Nos a hasi e prome pagocaba.
Mientras tanto nos ta negociando cu Hulanda pa baha e interesaun mas na 3,4%, y na mei 2025 nos mester presenta e resultadonan ey den un ley cu mester wordo presenta naParlamento.
E negosacionnan ta bayendo bon, y mi tin tur confiansa cu noslo yega na un bon acuerdo cu Hulanda.

Aruba tin confiansa den su politico nan? y si ta no, kico por haci pa cambia esaki?
E grado di confiansa den politica en general ta halto mirandoe percentahe halto di personanan cu ta bai vota. E confiansaden politiconan ta un reto pa nos mantene. Tin politiconan ta danja pa otro. Por ehempel, un politico cu bira sospechoso y e keda parlamentario, ta daña e imagen di un politico en general y di Parlamento en especial.

 Minister su mensahe final pa e pueblo faltando un par di dia prome cu eleccion?
Faltando apenas algun dia prome cu eleccion, mi kier hasi un apelacion riba tur ciudadano pa hasi uzo di bo derecho di voto. E ta un derecho sagrado di nos tur cu ta biba aki naAruba. Ademas e ta bo oportunidad pa laga bo voz resona, den decisionnan importante pa abo y bo famia.
Partido MEP a demostra di por maneha nos pais den bon tempo y den mal tempo. Nos no a logra realisa tur nosmetanan ainda, pero nos ta logrando si. Cu bo sosten nos porfinalisa e trabou, nos lo trese alivio y sigui inverti, mientrasnos ta mantene stabilidad financiero.
Abo por conta cu mi, y mi ta spera cu mi tambe por conta cu bo!