Seis Labrador chikito bandona band’i caminda ta inicia un carera como ‘sniffer dogs’ den prizon.

​

Recientemente un servicio di cacho di caya, Swale Borough Council’s Stray Dog Service, a encontra 7 cacho Labrador chikito bandona riba caminda grandi na Reino Uni y nan a post un potret hopi leuk y adorabel di e cachonan, ora cu nan ta biniendo bek di nan di dos vacuna. Ta trata di 7 labrador, cu tin entre 10 cu 12 siman di bida, di cual na condicion di salud tabata relativamente debil, ora nan a encontra nan algun siman atras. E servicio di cacho di caya, unda e cachonan aki ta kedando, a indica cu actualmente nan a cab’i haya nan di dos vacuna y nan ta casi completamente recupera di salud. Ora nan a rescata e cachonan, nan tabata hopi flaco, hopi spanta y nervioso y a tuma tempo pa nan sinti comodo y confia den nan hogar nobo. Lamentablemente un di nan a muri y e seisnan tabata tin yen di sarna. Dentro di un par di siman, nan lo ta bisando nan ayo, ya cu tur cos ta cla pa cuminsa train e seis labradornan aki pa bira ‘sniffer dog’ den servicio di prizon.