Mal procedimento estetico unda dama a keda cu 4 wenkbrauw.

​

Nipapron Meeking, un dama di 32 aña di Rayong, Thailandia, kier a haci un procedimento estetico cu su wenkbrauw, pa nan ta mas defini y cu mas color. El a bay un centro di estetico pa nan tattoo su wenkbrauw, pero ora nan a caba cu e trabou, e no por a kere locual el a wak den spiel como resultado final. El a wak cu e tin 2 wenkbrauw extra, riba esunnan natural. Pues en bes di a forma e wenkbrauw natural, nan a forma wenkbrauw riba esunnan original. Di biaha el a bisa cu e kier pa nan cambi’e, pero nan a bisa cu e mester warda 4 dia pasa, pa nan por haci esaki. Despues cu nan a bis’e p’e bolbe bek, el a ripara cu e luga a sera. Pues e mester a warda 1 aña cu un look di 4 wenkbrauw. Nipapron mesora a busca ayudo cu otro experto, pero lamentablemente te ainda, niun no por a yud’e.