Derumbe di Plaza de Toros del Espinal a causa 4 morto inmediato.

 

Por lo menos 4 persona a muri y como 500 persona a resulta herida na momento cu parti di e tribuna a cay den otro,durante un espectaculo di corido di toro na Plaza de Toros del Espinal den e centro di pais. E Imagennan dramatico comparti riba e rednan social ta mustra un parti grandi di e tribuna traha di palo, a bin abou, causando un emergencia di gran escala na e municipio di Espinal, Departamento di Tolima, Colombia. Varios persona a keda pega bou di e ruina, unda rapidamente e autoridadnan di rescate y prome auxilio a atende e lugar. Pero a pesar di nan esfuerso inmediato, a confirma fayecimento di un par di espectador di e evento. 

E toro na su turno tambe a sali for di e plasa y a subi caya, causando sigur mas panico.  

 

E accidente aki a laga 4 morto te awor aki y mas di 500 hende herida. Entre esunnan cu a fayece nan a indica cu ta trata di 3 adulto y un mucha chikito. Hospital ta na su maximo capacidad actualmente. Mester menciona tambe, cu esaki no ta prome biaha cu e tipo di accidente aki ta pasa.

 

Den e video por wak, e desesperacion di tur hende, gritando y coriendo pa scapa nan bida.