Italiano masculino cu un pakete completo di malesa.

​

Ainda nos ta bezig ta bibando cu e efectonan di covid-19, pero sin descarta cu tin otro malesa cu tambe ta presente y no for di awor. Recientemente un homber a test positivo no solamente pa Covid-19, pero tambe pa Monkeypox y VIH. E homber aki di 36 aña, naci na Italia, a haya Monkeypox, Covid-19 y VIH, despues di a realisa un biahe na Spaña. Segun a indica, e homber aki a keda contagia cu e malesanan aki, despues cu e tabatin relacion sexual cu diferente hende homber y sin proteccion. El a keda 9 dia na Spaña y ora cu el a yega Italia bek, el a cuminsa sinti algun sintoma, cu tabata; keintura halto, cansancio, dolor di garganta y cabes. Esaki tabata e unico caso raporta, cu na e mesun momento tabata a resulta cu tambe e tin Covid-19 y Monkeypox.