Nan a mata e mama dilanti di su baby.


Alejandra Paredes Perez di 26 aña a keda asesina pafo di un supermercado na Cúcuta, Colombia.


Diaranson den ora nan di atardi Alejandra tawata hasiendo compras hunto cu su baby di apenas 1 aña na un supermercado serca di unda nan ta biba.

Saliendo for di e supermercado un sicario hunto cu su complice a acerca Alejandra y a tire mata dilanti di su baby.

Ta evidente cu e obhetivo tawata pa mata Alejandra mirando cu a tire varios biaha incluso ora cu e la cay abou a tire tres biaha mas na su cabes.

Apesar di tur cos e baby no a keda herida, e la cay abou y despues a keda den man di un empleado di e supermercado.

Testigo nan a spanta di e caso teribel aki y ta asombra cu no a causa ningun daño na e baby.


Camara nan di seguridad a capta e suceso aki y asina por mira con tur cos a keda graba.

Comandante di polis a informa cu e sicario y su complice a haya accident cu brommer purbando di huy.

Nan a purba deshaci di e arma di candela pero a logra haya esaki y awor e lo keda den man di investigado nan hunto cu e video nan graba.

Actualmente Cúcuta ta pasando door di un ola di violencia unda cu a registra 18 caso di asesinato den e ultimo dos siman nan.