Mas hende muhe ta muri despues di haci lipo. Empresaria famoso ta fayece.

​

Kendy Romero Fuentes (42) ta un empresaria masha famoso na Peru. E empresaria a bay hasi un lipo na un clinica den e bario di El Tambu na Peru cu a termina den tragedia. Un rato despues di e cirugia Kendy a sinti su curpa malo y a fayece. Su famia ta culpa e dokter pa neglicia medico. Mayoria biaha y den e caso aki mescos, un lipo ta wordo hasi na un clinica y no na un hospital cu ta mas ekipa cu aparatonan cu por salba bida si algo bay robes. Den e caso di Kenedy ora cu e dokter cu a opera e empresario a duna ok pa transporte pa un hospital tawata laat. 

Con Kendy a muri?

E tata di Kenedy a declara cu riba 24 Augustus 2024 su yui muhe a drenta sala di operacion pa hasi un lipo cu a dura mas o menos 3 ora na clinica Del Valle.
E lipo a wordo a hasi pa dokter Fidel Bernaola, aunke segun e dokter e lipo a bay bon, algun minuut despues di e operacion Kenedy a bira hopi malo. Su Tata cu tawata presente a tuma nota cu a tarda pa transporta su yui di e clinica pa un hospital. Segun e dokter Bernaola ta masha normal cu despues di un lipo cu bo ta sinti bo curpa malo. E empresaria a muri 20 minuut despues di su cirugia di lipo di un ataca di curason. Esaki no ta e prome caso cu un hende muhe ta muri na man di e dokter Bernaola. Invistigacion a mustra cu e clinica unda e dokter ta opera no ta apto y no tin e aparatonan adecua pa tipo di cirugia asina.
Despues di e caso aki polis na peru ta buskando e dokter cu a bay for di e cuidad.
Kendy ta laga 3 yui atras y un famia cu ta pidi justicia pa e empresaria. 

Autoridad di salud ta hasi un yamada na tur hende muhe cu kier hasi tipo di cirugia asina pa hasi bo investigacion bo mes di e dokter y e clinica unda bo ta bay opera, pasobra mas y mas hende muhe ta fayece despues di hasi un cirugia estetica (lipo) asina.