Pushi cu problema di movibilidad warando pa cumpli 1 aña pa nan oper’e.

​

E centro di rescate di pushi, Baby Kitten Rescue na Los Angeles, Merca, a comparti e storia di un di e pushinan esta; Otter, cu ta un pushi chikito cu tin problema cu movilidad. Debi na su problema di salud, e pushi tin cu uza e capa na su cabes, pa e evita cu e ta lastima su mes, ya cu frecuentemente e ta dal su mes contra cualkier obheto. Otter mester uza e capa aki pa proteha su cabes, mientras e ta wardando pa nan oper’e. Nan tin e pushi aki den un ambiente trankilo, pa e por ta mas relaha cu ta posibel, ya cu e ta un pushi chikito y sigur tin hopi energia y kier hunga y esaki awor no ta posibel, mirando cu cualkier golpi por causa un daño celebral, si e dal su cabes varios biaha. E reto ta, cu nan ainda no por opera Otter y mester warda te ora e haci 1 aña. Pues pa tanten, no por kita e capa aki for di su cabes, sino e no lo ta protehi.