Studiante di Aruba na Madrid conociendo hopi artista famoso.

​

Michel Mungra (22) ta un studiante di Aruba, cu a bay biba na Madrid, Spaña, unda e ta studiando “comunicación audiovisual”. E carera aki ta dura 2 aña y ya e ta den su ultimo aña. Mungra a sera hopi contacto na Spaña y asina el a logra conoce varios artista personalmente, por ehempel; Nio García, Noriel, El Alfa, Farina, etc.  Mungra tin como meta pa Aruba su nomber semper ta den halto, sin importa unda cu e bay.

Mungra a conta cu e ta sinti su mes na cas na Madrid. E gusta Madrid, paso e ta un di e obhetivonan principal di futbol y reggeaton. Den su tempo liber e gusta bay cinema y festival. Manera cu e haya mas tempo liber, Mungra gusta biaha rond di Spaña y conoce mas lugar. Mungra ta wak su mes bibando na Spaña y e no lo kier bay Aruba mas, paso e ta wak cu e tin un futuro grandi na Spaña.

Conseho: “Semper mi ta wak cu e hobennan ta scoge Hulanda pa biba. Pero ami mes a bay Hulanda y a keda 2 luna y despues mi a dicidi di tuma e paso di bin Spaña, sin conoce niun hende. Si bo tin determinacion y confiansa den bo mes, nada no lo bay robes! Pero tur cos ta cuminsa na abo como hende. Tin ora bo mester tuma e riesgo, sin worry cu nada y bay p’e, paso nada ta imposibel!”