Sicario a mata dama na su trabou.

​

Exactamente 9:01 di anochi Maria Alejandra Jaquez Bracamonte a ricibi un bala y muri inmediatamente. 
Maria Alejandra conoci como ‘La Mona’ tawata traha den un club nocturno yama “Máquinas El Trébol” na Cartagena. 
Su trabou tawata pa sirbi bebida na cliente y maneha e caha hunto cu un colega mas. 

Diasabra anochi durante su turno laboral e la bay sirbi un cliente na momento cu un sicario a cana drenta y sin bisa niun palabra e la tira Maria Alejandra den su pecho. 
Camara nan di seguridad a capta e sucedido aki y por mira con Maria Alejandra a cay abou y muri inmediatamente. 

E sicario tawata tin basta rato para pafo di e luga, observando tur movecion di su victima prome cu e la tuma accion. 
Despues di a tira Maria Alejandra mesora e la sali y huy riba un brommer. 

Un aña pasa ‘La Mona’ la sali for di Cartagena na momento cu e la keda menasa pa medio di un flyer cu a circula rond pero despues di corto tempo e la dicidi di bolbe bek y sigui traha.
E tawata un inmigrante di Venezuela cu awor a laga dos yiu chikito atras. 

Autoridad nan ta investigando si e asesinato di Maria Alejandra tawata relaciona cu un venganza of menasa. 
Te cu awor tin un total di 19 hende muhe cu a keda asesina na Cartagena durante di 2023, di cual 13 tawata mata door di un sicario.