Abusador di 27 aña ta viola y saca mucha muher di apenas 10 aña na estado.

Gershon Fuentes, di 27 aña, a confesa cu el a abusa di un mucha muher di 10 aña y riba dje, e menor a sali na estado consecuentemente. Esaki a pasa na Ohio, Merca, unda e mucha muher mester a biaha bay Indianapolis, Merca, pa e por haci abortus. E autoridadnan a aresta e homber di biaha y nan a hib’e e prizon “del condado de Franklin” cu un fiansa di $2 miyon. Fuente di e oficina di Inmigracion y Duanne (ICE) a informa cu e homber aki, no ta na Merca legalmente, paso e no tin su papelnan na ordo. E fiscal “del condado de Franklin”, Dan Meyer, a bisa cu recientemente e mucha muher a haci 10 aña. Pues tur probabilidad ta, cu e mucha muher a sali na estado cu apenas 9 aña.