Dama hoben a duna luz despues di 15 minuut cu el a haci chekeo pa dolor fuerte di apendicitis.

​

No mucho dia atras, nos a scucha di un storia di bida real, unda un dama no tabata sa cu e ta na estado, ya cu el a kere cu ta dolor di gas fuerte e tabatin, pero a resulta cu e tabata a punto di duna luz. E storia aki ta di un otro dama, Kayla Simpson di 21 aña y cu ta bibando na Indiana, Merca. Kayla a bay dokter, debi na dolor fuerte den su bariga, cual e dolor tabata uno asina intense, cu el a pensa por ta trata di apendicitis. Na momento cu e dokter a haci un chekeo di ultrasonido cu ne, a resulta cu e dokter a wak 2 pia chikito den e bariga. Tanto Kayla como e dokter a haya nan confronta cu e situacion, unda cu Kayla ta den proceso di parto. E mucha a nace 15 minuut despues cu e dokter a haci e chekeo di ultrasonido. Pues na momento cu Kayla a yega cerca e dokter, ya e tabatin 10 centimeter habri. Kayla finalmente tambe a indica, cu el a keda haya su regla normal y riba dje, el a hasta baha peso. A pesar di no tabata spera niun momento cu e por ta mama, Kayla a indica cu e ta hopi contento cu su baby inespera aki.