Christina Yuna Lee di 35 aña di edad a wordo asesina brutalmente na su mesun cas. Un homber a persigui e hende muhe te na su apartament na New York, bisiña nan a scucha grito di auxillo y di biaha nan a yama polis, lastimamente ora cu e autoridad nan a yega na e sitio nan a haña Christina morto caba den baño. E sospechoso ta conoci como Assamad Nash di 25 aña. Assamad a purba di huy na un salida di emergencia, sinembargo ora e la wak e autoridad nan pafo di e sitio e la core drenta e apartament bek y sconde abao di un cama. Tur cos a cuminsa ora cu Assamad a wak Christina cana den China town y a keda persigui Christina te ora e la yega na su apartament y di biaha e assesino a drenta brutalmente ora cu Christina a habri e porta.