Menornan di 7 aña a abusa di un otro menor di 7 aña na scol

Na un scol na Bucaramanga, Colombia, 4 menor di 7 aña a abusa di un mucha homber di 7 aña, esaki a sosode ora e mucha homber a drenta baño y e grupo di e 4 mucha homber a sigui su tras. Tur cos a cuminsa ora e grupo di menor aki tabata tenta e mucha homber aki pa su estilo di bisti, e scol no tabata duna hopi cabes na e situacion aki aunke varios biaha e mama di e victima a presenta na scol pa informa locual tabata pasando cu su yiu homber. A señala cu probablemente e 4 mucha homber nan aki ta pasando den esaki den nan hogar y nan tambe por ta victima na nan cas. E mama di e victima a kita su yiu for di scol y awor e ta asisti su lesnan na cas.