Homber di 87 aña ta casa cu e mihor amiga di su defunto casa.

​

Sophia Angelatakis, un usuario di TikTok, a comparti e matrimonio di su welo di 87 aña. Esaki ta di tres biaha cu e welo ta casando. Despues cu e welo su casa a fayece, el a dicidi di conoce e mihor amiga di su defunto casa. Loke niun hende por a spera ta, cu despues cu nan a conoce otro, nan a pega na otro. E welo a termina ta casa cu e mihor amiga di su defunto casa y mas cu claro, esaki a trece problema entre e nietonan y famia. Algun di e miembronan di famia tabata sumamente incomodo durante e celebracion di e matrimonio aki, paso tabata “straño”, pa nan tende un “si” di nan welo na altar, cu e mihor amiga di e wela defunto.