Amistad cu bo ex? e punto crucial pa no perde bo pas... ni bo futuro
despues di un break-up amoroso, ta comun pa ex-parehanan keda cu un tipo di contacto. 

​

Pero e pregunta clave ta: Amistad cu un ex ta realmente saludabel? Segun experto, un amistad despues di amor solamente ta posibel si tin madures emocional y claridad riba e tipo di relacion nobo.

Un separacion saludabel mester duna espacio pa cada persona cura, procesa e fin di e relacion, y eventualmente redefini e manera di interaccion. Intento pa bira amigo directamente despues di un separacion por crea confusion emocional, speransa falso, y obstaculo pa crecemento personal.

Dos elemento ta esencial pa un amistad cu un ex funciona:
1.    Madures emocional – E capacidad pa laga e persona bai su caminda sin rencor, y desea su bienestar, hasta si e ta cu un otro persona.
2.    Claridad romantico – Un amistad solamente lo funciona si tur dos a laga e sentimento amoroso atras y no ta wanta speransa pa bolbe hunto. Sin esaki, ta facil pa keda pega den un ciclo cu no ta beneficia ningun di e dos personanan.
Si bo ex no por acepta bo cambio, of ta warda pa un segundo oportunidad, e “amistad” por bira un fuente di stress of retraso den e progreso di bo bida.

Conclusion:
Amistad cu un ex ta posibel, pero no semper recomendabel. Sin limite nan cla, respet mutuo y intencion puro, e por costa bo no solamente bo paz, sino bo futuro tambe.