Pareha abogado kier biaha rond di mundo cu nan 3 pushinan.

Dan y Olivia Nguyen kier biaha rond di mundo, pero nan no tabata cla pa laga nan pushinan: Sponge Cake, Donut y Mocha, cu un otro hende. 
Nan tabata tin varios biahe planea, pero nan a bisa cu ta dificil pa laga nan pushinan cu otro hende, paso nan ta parti di nan famia. 
Nan a biaha rond di Merca y a logra bay Francia y Italia cu e pushinan. Prome cu nan por a realisa e biahenan,  tanto Dan y Olivia mester a prepara e tres pushinan pa ta den e aire liber. P’esey nan mester a train e pushinan band’i nan cas na New York na Central Park, pa asina e pushinan custumbra cu e bida di pafor. 
Na principio esaki no tabata facil, paso nan tabata haya miedo di ta rond di hopi hende y desordo, pero mas nan a saca e pushinan for di cas den aire liber, mas comodo nan tabata bira. 
Nan prome biahe cu e pushinan tabata pa Orlando, Florida, ora cu nan a bay den e resort di Disney World. 
E pareha a cumpra tur cos necesario, pa e pushinan sinti nan mes comodo, ora nan mester cana hopi. Despues di e biahe pa Orlando, nan a dicidi di bay San Francisco, Sacramento y California, y despues nan a bay Paris, Francia.