KarolG ya a completa su prome 16 conciertonan di e 'Mañana Será Bonito Latam Tour 2024'. Awo, 'La Bichota' ta den espera di su dos shownan mas importante cu e lo ofrese den su gira, esta esun nan di su tera natal. Proximo 5 y 6 di april, e ganadora di e Premio Grammy 2024 den e categoria di 'Miho Álbum di Musica Urban', lo presenta su mes na e Estadio Nemesio Camacho El Campín, Bogota Colombia.

​

E artista naci na Medellín, a bin ta eherce un gira basta intenso y a sufri diferente contratiempo den su ultimo espectaculonan. Nos no por lubida e susedido dia prome di maart caminda e cantante su vuelo a experiencia fayonan technico y mester a baha di emergencia cu su avion na Los Angeles. E siguiente dia den su concierto na Guatemala, KarolG a yora pa problemanan technico cu a presenta na momento di su concierto.
Y si esaki no tabata suficiente, riba su segundo fecha na e Explanada Cardales di Cayalá, un señora na estado y dos homber a ser asesina pafo di su concierto.
Su problemanan a continua tambe na Venezuela. Durante su di dos anochi di show, a presenta varios peleanan y un gran chaos den e stadion Monumental Simón Bolívar Caracas.

Asina mes cu hopi positivismo y alegria, e cantante KarolG di 33 aña, a expresa gradecimento na su fans y otro artistanan cu a canta hunto cun'e riba escenario y bisando na e publico cu pronto e lo presenta na su propio cas, Colombia.

​

Proximo tournan di KarolG:

5 y 6 di april - Colombia
12 di april - Peru
14 di april - Chile
26 di april - Argentina
2 di mei - Paraguay
9 di mei - Brasil

Europe summer tour:

8 di juni - Switzerland
11 di juni - Alemania
14 di juni - Hulanda
18 di juni - London
22 di juni - Francia
25 di juni - Italia
29 di juni - Belgica
2 di july - Alemania
7 di july - Portugal
22 di july - Spaña