Un tragedia devastador cu 5 morto durante desfile na Highland Park na Illinois.

​

Awe mainta un tragedia grandi a pasa na Highland Park na Ilinois, Merca, durante e celebracion nacional di 4 di juli.Durante e desfile na e parke tabata tin un tiroteo, unda 5 hende a fayece y tin por lo menos 16 hende herida. E ciudad di Highland Park a informa cu polis a reacciona na ‘un incidente’ den e centro di ciudad y a cancela e desfile mesora. Esaki tabata debi cu un homber arma a cuminsa tira ful rond di parke apenas10 minuut despues cu e desfile a inicia. Ainda e autoridadnan di Ilinois ta buscando e autor di e tiroteo, aunke ya a recupera e arma di candela. E ciudad ta lamenta enormemente e perdidanan tragico aki y di esunnan herida, cu a bin pa celebra e dia di awe.