Volcan submarino Axial Seamount lo activa pronto.

Cientificonan na Oregon ta advirti cu un volcan submarino grandi, Axial Seamount, ta mustra señalnan cla cu lo e por bay den erupcion aki poco tempo. E volcan ta 1.4 km bou di awa y e ta na un zona geologicamente activo. Tur dia tin sentenares di temblor, locual ta significa cu e volcan aki ta yenando cu magma. 

Su ultimo erupcion tabata na 2015, unda cu e lava a core pa 40 km den fondo di lama. Expertonan ta kere cu e proximo por pasa na final di 2025 of comienso di 2026, pero e por pasa den cualkier momento mirando cu esaki ta algo cu nunca por ta sigur di dje. E erupcion no ta representa ningun peliger pa hende riba tera, ni lo crea nubianan preto visibel. Cientificonan mes tin plania pa transmiti e erupcion aki en vivo, cual lo ta algo historico mirando cu nunca prome esaki ser haci.
E actividad aki ta corda nos cu fondo di lama ta un di e lugarnan mas importante pa formashon di planeta.