Bida largo pa homber cu a abusa di yiu di su pareha.

Gerson Fuentes di 28 aña a abusa sexualmente di un mucha muhe di apenas 9 aña na dos ocasion na Ohio, Merca.

Cu solamente 10 aña e damita a keda na estado di e pareha di su mama y e mucha a identifica e homber como su abusado. 
E mama a notifica esaki na e departamento di servicio infantil cu despues a notifica polis y asina a habri un investigacion inmediatamente. 

Un siman despues di a keda identifica, Fuentes a declara su mes culpabel di e acusacion nan menciona.
E la haya un sentencia di bida largo y mester registra su mes como un abusado sexual. 
Fuentes lo por solicita libertad condicional despues di cumpli entre 25 pa 30 aña di su condena den un acuerdo cu fiscal como cu e la acepta cu e ta culpabel.
Hues Julie Lynch, a expresa cu ta considera e crimen aki como un di e delito nan mas grave y cu e ta dificil pa corte acepta e posibilidad di libertad condicional.
E mama no a opone na e declaracion di culpabilidad y tawata di acuerdo cu e sentencia recomenda door di fiscal.

E mucha mester a sali for di Ohio pa bay Indiana pa por termina e embarazo legalmente.
Esaki tawata un abortus medicinal realisa pa Dokter Caitlin Bernard bou recomendacion di un specialista den abuso infantil.
Dokter Bernard ta esun cu a conta e caso aki na medio local pa asina por conoce e storia tristo aki.