Cunukero a planta miyones di girasol sopresando su casa pa nan 50 aniversario.

​

Lee Wilson a dicidi di crea un momento inolvidabel door di planta 1.2 miyon girasol como muestra di su amor y devocion pa su casa, Renee Wilson.
Girasol ta un flor cu semper a tuma un luga special den Renee su curason y mirando e yegada di nan 50 aniversario, Lee a sinti cu esaki ta e ocasion perfecto pa un gran sorpresa.
E idea a nace di su curason como cu e kier a mustra su casa afecto den un forma extraordinario.
Cu hopi planeamento y dedicacion Lee a planta 80 hectar di flor cu ayudo di su yiu den nan cunucu na Kansas, un total di 1.2 miyon girasol.

“Kico bo por duna bo pareha riba su 50 aniversario? Como cu semper e la gusta girasol y esaki ta e aña di planta girasol mi a dicidi di planta 80 hectar di girasol como sopresa.” Asina Lee a expresa su sentimento na media. 
Renee a sinti hopi special y e no por pensa riba un miho regalo pa e celebracion di nan aniversario.

Tur e amor y esfuerso pa realisa e sopresa aki ta hasi esaki sumamente special y emocional y awor e bunita bista di nan cunucu ta simbolisa nan amor durante cinco decada.
E storia di Wilson ta un inspiracion y ta recorda tur hende e poder y significado di amor berdadero.