Marina Pirata: un tesoro local riba awa den Savaneta.

​

Marina Pirata Restaurant, ta un restaurant di famia local cu tin mas di 40 aña sirbiendo e pueblo di Aruba como bishitantenan di nos dushi isla. Atmosfera ta simpel pero auntentico y agradabel. Menu ta enfoca riba pisca fresco: Red snapper completo, mahi- mahi, barracuda, shrimps y hopi mas. Tin varios opcion tambe pa hende cu no ta usta come pisca como carni y otro estilo internacional.

​

Riba 30 di mei lastimamente un candela a destrui e cushina por completo. Danki Dios e candela a wordo conteni na ora y no a alcansa e resto di e restaurant. Famia Donker ta den pleno renobacion pa reconstrui nan cushina bek, pa asina por ricibi nan clientenan bek mas liher cu ta posibel. 2 biaha pa siman ta bende cuminda to-go, asina e clientenan di semper por sigui haya un sabor di Marina Pirata mientras cu nan ta prepara pa habri bek y ofrece e dushi ambiente, cuminda y bebidanan como custumber. 

​

Pa mas informacion tocante e cuminda nan to-go por manda un Whatsapp na: 7357155. Pa awe nochi entre 6 cu 8;30 nan lo ta bendiendo diferente dushi plato Escargot cu garlic bread, pan cu balchi pisca, pan cu calco den oyster sauce, pan cu lomito mushroom sauce, tur e pan nan aki ta bin cu batata na banda, bo no por faya!