Dyvienne Perez (Entrepreneur) ta un hoben di 23 aña di edad. Dyvienne tin su propio negoshi di lashes cu yama LashesbyDyv, sinembargo Dyvienne ta un mama di un princess di 3 aña, tur locual e ta haci ta pa su yiu y su famia. Dyvienne ta un hende hopi ambicioso cu semper kier sigui siña cos nobo pa bay dilanti pa su mes su yiu y tambe su negoshi. Tur Dyvienne su exito a cuminsa na 2019 ora cu e la habri LashesbyDyv. Prome e la cuminsa tuma curso pa pone lashes, e la cuminsa den su mama su spa salon y despues e la haña su mesun lugar pa por sigui haci esaki. Dyvienne a sigui haci mas curso nan pa di diferente cos. Cu e apoyo di su famia y di su clientenan e la yega asina leu cu e por a haña un otro localidad mas grandi cu pronto e portanan lo habri.

​

Locual ta mas importante pa Dyvienne ta pa laga su cliente nan sinti comodo na su lugar, pa duna nan un bon servicio y pa nan ta satisfecho cu su trabou/producto. Dyvienne tin varios metanan pa futuro un di nan ta pa tin mas hende trahando pe y cune apart di esey Dyvienne su meta ta pa cuminsa duna curso di Lashes na otro hendenan cu kier experencia den e lash business. Dyvienne a bisa cu e kier sigui crese y keda evoluciona den su negoshi y como persona, e kier sigui duna bon servicio y keda mehora den su skills den lashes. Ora Dyvienne haña tempo liber cual ta masha tiki mes, e gusta bay lama cu su famia y come afo.

​

Finalmente Dyvienne su conseho pa e hobennan cu kier habri nan mesun negoshi y ainda no sa con of no tin e durf ainda ta pa haci locual bo stima no matter what, lo ta bay tin hopi hende negativo pero bo no mester tende di nan bay pa bo meta. Ta bay tin hopi obstaculo den bo caminda pero si bo focus y haci locual bo mester haci pa logra bo metanan lo bo logra.

​

​