Video! - Inundacion repentino na New Mexico: Tres Persona ta fayece y Cas ta ser lastra pa e awa.

Un tragedia grandi a tuma luga den e pueblo Ruidoso, caminda un inundacion di awa mortal a causa di yobida intenso a kita bida di tres persona, entre nan un mucha chikito di 4 aña, un mucha di 7 aña, y un homber di entre 40 pa 50 aña.
Un video dramatico cu a wordo publica online ta mustra con un cas completo ta ser lastra pa e awa, e mesun region cu tabata afecta pa dos candela grandi aña pasa.
Segun vocero di Ruidoso, Kerry Gladden, e situacion ta critico. Mas cu 50 pa 60 rescate a wordo hasi, y e buskeda pa otro victimanan a sigui durante e anochi.
Gobernador Michelle Lujan Grisham a firma un declaracion di emergencia pa haya yudansa federal urgente:
“Nos ta mobilisando tur recurso cu nos tin, pero Ruidoso mester yudansa federal manera Texas a ricibi.”
Rio Ruidoso a subi na un nivel record di 20 pia, 5 pia mas halto cu e record anterior. Segun meteorologonan, e awa a subi 19 pia den 30 minuut – un situacion extremadamente peligroso.