Como cabes di famia mama tin 5 trabou pa sobrevivi.

​

E historia di Rebecca Kellaway di 37 aña a impacta e comunidad di Norwich, Inglatera. El a bisa cu e mester traha e 5 trabounan aki, pa e por mantene su yiu muher y e mes. El a conta BBC cu su trabou principal ta waitress y durante su “tempo liber”, e ta dedica na cuida mucha y tres biaha pa siman, e ta haci limpi. Rebecca a expresa cu e motibo principal, cu e ta haci esaki ta, pa duna su yiu e flexibilidad, specialmente den su educacion. E mester haya $1.100 for di gobierno, pero door di tur e trabounan cu e ta haci, e ta perde $389 di loke e mester haya. Su salario no ta fiho, pero pa luna e ta haya $1.145. El a bisa tambe, cu el a opta pa laba tayo 3 biaha pa siman so, pa limita e cantidad di awa cu e ta uza.